Gamehelppi

P.I. (Private Investigator) é un xogo moi sinxelo de deducción que consiste de 3 mini-xogos.

Cada xogador ten un caso que necesita resolver.

Para resolver un caso se necesita:

1. O culpable 2. A localización do culpable 3. O tipo de crime

---

En cada quenda podes facer unha das seguintes accións:

1. Usar un investigador nunha localización (só tes 5 para toda a partida) 2. Coller unha carta de pista 3. Tentar resolver o caso

---

Se usas un investigador nunha localización, dirache o número de cartas coincidentes co teu caso (tanto localización, culpable ou crime) que hai:

1. Na localización na que usaches o investigador (indicadas por un disco) 2. Nunha localización adxacente a esta localización (indicadas por un cubo)

Se non hai ningunha, tamén cho di.

Por exemplo podes obter:

3 Exactas / 0 Adxacentes (3 discos / 0 cubos, Todas as cartas coincidentes están na túa localización, que sorte!) 2 Exactas / 1 Adxacente (2 discos / 1 cubo) 1 Exacta / 2 Adxacentes (1 disco / 2 cubos) 0 Exactas / 3 Adxacentes (0 discos / 3 cubos) 2 Exacta / 0 Adxacente (2 discos / 0 cubos) 1 Exacta / 1 Adxacente (1 disco / 1 cubo) 1 Exacta / 0 Adxacente (1 disco / 0 cubos) 0 Exactas / 0 Adxacente (0 discos / 0 cubos)

---

Se usas unha carta de pista nunha localización, ocorre o mesmo pero só che dirá o número de cartas coincidentes que son do mesmo tipo da carta de pista usada.

Por exemplo se a túa carta de pista é do tipo (culpable) daquela che dirá o número de cartas coincidentes (SO de tipo culpable) que hai:

1. Na localización na que usaches a carta 2. Na localización adxacente a onde usaches a carta

---

Por último podes tentar resolver o caso, premendo nun culpable, unha localización e un tipo de crime.

Se tes razón, obtés puntos.

Se fallas, perdes 2 puntos.

Así de sinxelo.

---

Para simplificar as cousas, démoslle nomes a un par de fases do xogo:

Hai 3 Roldas

Cada rolda se compón de Fases onde cada xogador fai as súas quendas (comenzando polo xogador inicial)

Por exemplo, se A é o primeiro xogador e B é o segundo xogador:

Daquela cada fase se compón de dúas quendas (A e logo B)

Unha vez que un xogador resolve un caso por vez primeira nesa rolda (na fase 6 da rolda actual por exemplo) obtén 7 puntos e CADA xogador despois del que resolve o caso na mesma fase (fase 6 no noso exemplo) obtén TAMÉN 7 puntos.

Unha vez remata a fase, se hai canda menos dous xogadores que non resolveron o caso aínda, o xogo continúa, pero na fase na que o seguinte xogador resolva o caso se obterán 2 puntos menos e iso será válido para todos os xogadores que resolvan o caso na mesma fase.

Isto continúa do mesmo xeito, ata que só quedan 1 (ou 0) xogadores. Ese xogador non gañará ningún punto, e comezará a nova rolda.